kiyon na aey dost hum juda ho jaein
Tou bhi heeray say ban gya pathar
hum bhi kal janay kya say kya ho jaein
Tou k yakta tha beshumar huwa
hum bhi tootain to ja-ba-ja ho jaein
Hum bhi majbooriyon ka uz'r karein
phir kahein or mubtala ho jaein
Hum agar manzilain na ban paye
manzilon tak ka raasta ho jaein
Dair say soch mei hain parwanay
rakh ho jaein ya hawa ho jaein
Ishq bhi khail ha naseebon ka
khaak ho jaein keemiya ho jaein
Ab k gar tou milay to hum tujh sy
lipat kar ter qaba ho jaein
Bandagi hum ne chor di hai Faraz
kya karein log jab khuda ho jaein
( Faraz Ahmed Faraz )
No comments:
Post a Comment